The Madras Story! | Madras Day Special

மஞ்சப்பை மச்சு வீடா

ஆகும் ஊருதான்,

வித்-அவுட்டும் வின்னிங் ஷாட்டு 

ஆடும் ஊருதான்!

வேகத்துக்கு வேகங்கூட்டி

வேர்க்கச் செய்யும் ஊருதான்,

தம்மாத்தூண்டு வூட்டக் காட்டி

சொத்தக் கேக்கும் ஊருதான்!

சிங்கிள் டீயில வயித்த கட்டும்

சிக்னல மதிச்சா கூடி திட்டும்,

ஊரு எல்ல போர்டில் மட்டும்

ப்ளாட்டு போட இங்க இல்ல சட்டம்!

எம்.டீ.சியோ சில்லற கேக்கும்

மெட்ரோ ரயிலோ பர்ஸையே கேக்கும்,

மிச்சமிருக்கும் சத்தையெல்லாம்

மினெரல் வாட்டர் சொத்தா கேக்கும்!

ஆர வார மெட்ரோ வாட்டர்

வாரா வாரம் வந்து போகும்,

ஷேர் ஆட்டடோக்கள் சண்ட போடும்

ஹாரனுக்கோ தொண்ட போகும்!

ஓ.எம்.ஆர் நீளும் தூரம்

டோல் பூத்துக்கோ தீராத் தாகம்,

ஓடுங்காரு நூறாயிரம்

போலிங் பூத்தோ ஈயாடிடும்!

மத்திய கைலாஷ் மத்தியில

கத்திப்பாரா சுத்தயில,

கழுத்த நெறிக்கும் கொழப்பத்துல

மனசு போகும் முக்தியில!

மேல சொன்ன எல்லாம் உண்டு

எங்க ஊரு சென்னையில,

ஆன போதும் எங்களுக்கு

இத்த வுட்டா மண்ணேயில்ல!

தெறம மட்டும் போதுமிங்க

புரிஞ்சுக்க,

தெனமும் நூறு வழியுமுண்டு

பொழச்சுக்க!

***********

இதுதான் மெட்ராஸ் சென்னை ஆன கதை . And the moral of the story is

கூட்டம், நெரிசல், வேகம், வியர்வை, புழுதி, பொல்யூஷன்…

இன்னும் லிஸ்ட் பெருசு!

ஆனா, இப்பவும் சொல்றேன்…

மேல சொன்ன எல்லாம் உண்டு

எங்க ஊரு சென்னையில,

ஆன போதும் எங்களுக்கு

இத்த வுட்டா மண்ணேயில்ல!

Advertisements

தேடல் இரவு! The Night Of Madness!

என் புறங்காது தேடும்

உன் நுனி நாக்கின் ஈரம்,

சாத்தியெடுக்குதடி.

உனில் அடங்காது ஆடும்

என் பாசாங்கு வீரம்,

போத்திப் படுக்குதடி!

பாய்மர உடலில்

பதித்திடும் பாதம்

பாடாய் படுத்த,

போதையின் கடலில்

குதித்திடும் தேகம்

தோதாய் கிடக்க!

பால்வெளியை குழைத்துக் குடிக்கும்

போர் வெறியில்

பாவை நீ பாய,

பாற்கடலை வளைத்து மடிக்கும்

உன் அருகில்

மாயைதான் மாய…

மெய்த் தேடல் உச்சத்தில்!

புதைந்த என் வெட்கத்தை

நடு முதுகில்

அகழ்வாராயும் இதழ்கள்,

தொலைந்த என் கூச்சத்தை

புது வழியில்

தோண்டியெடுக்கும் நகங்கள்,

சிதறிக் கிடக்கும் சிலிர்ப்பை

இரு தொடையில்

கிள்ளிக் குவிக்கும் விரல்கள்,

மச்சப் புதிர் புள்ளிகளை

குறுக்கும் நெடுக்கும்

கோர்த்துக் கொண்டாடும் சிறு மயிர்கள்,

கடத்தப்பட்ட களிப்பை

மடிக் கரையில்

கிடத்திக் கொஞ்சும் பற்கள்,

தாகம் ஈன்ற இசையை

மார் பரப்பில்

தாளம் போடும் இமைகள்!

அடியே! இப் படியே…

மயிர்க்கூச்ச நொடிகளில் நீ தொடங்கும்

புதுத் தேடல் ஒவ்வொன்றும்,

என் உயிர் காய்ச்சும் திரவத்தை

ஏலத்தில் எடுக்குதடி எகத்தாளச் சிரிப்போடு!

படபடத்து உடல் வியர்த்து

சதை பிடித்து படர்ந்த வேகத்தில்,

நீ கிசுகிசுத்த காமரூப நுட்பம்

ஏணியேறிப் பாயுதடி!

பயம் விடுத்து பயணம் முடித்து

பல்லிளித்துக் கிடந்த வேளையில்

நீ முணுமுணுத்த பாடலின் வெப்பம்

மேனியேறி மேயுதடி!

உன் தேடலிரவில்

பாடல் வரிகள் உருவக வலையில்,

உன் ஈர மொழியில்

வீழும் உயிரோ பரவச நிலையில்!