பெட்ரோலா… மனசா!?

‘இருநூறு ரூபாய்க்கு… சாதா பெட்ரோல்!’

‘சரிப்பா..’

‘என்ன முகத்துல கண்ணையே காணோம்? சரியா தூங்கலையா…’

‘மூனு நாளா பாக்குறேன்!’

‘என்னது… புரியல’

‘மூனு நாளா ராத்திரி ட்யூட்டி’

‘ஹ்ம்ம்ம்… கார்டு.’

‘நம்பர்…’

‘கஸ்டமர் காப்பி வேண்டாம்’

‘இந்தா…’

‘ஒரு மாசத்துல.. இப்போ இருக்கிறத விட ரெண்டு மடங்கு சந்தோஷமா இருப்பீங்க!’

ஹெல்மெட் உள்ளேர்ந்து அடையாளம் இல்லாத, அறிமுகம் இல்லாத குரலில் இந்தக் கடைசி வாக்கியத்தை கொஞ்சமும் எதிர்பார்க்காத அவர்…

ஒரு நொடி ஆச்சரியத்திற்குப் பின்,

முக்கால்வாசி உதடு சிரிக்கலாமா வேண்டாமா என்று யோசிக்க;

மீதிஉதடு சிரிச்சுதான் வப்போமே என்ன இப்போ என்று குஷி ஆகிவிட,

லேசாய்… ரொம்பவும் லேசாய்… உதடுகளின் வலது ஓரத்தில் மட்டும் சிரித்தார்.

அப்போ, நெறஞ்சது பெட்ரோலா மனசா…?

நேர்ல பார்த்தால்தான் தெரியும்.

பார்க்க முயற்சி பண்ணுங்க!

Advertisements